Xera : Vamos de monte a Somiedu

1- Mirái nesta dirección d'interné y tornái al asturianu nel vuesu blog  los conseyos que dan, son importantes pa cuando vamos de monte.

2- Dempués busca una o dos semeyes sobre'l parque de Somiedu que seyan perguapes y pégales colos conseyos 

3 - Si hai dalgún parque natural nel vuesu conceyu ponéi información d'él (estensión, nomes, usos, cómo se llega, lo qu'hai pa ver, etc...) y tamién dalguna semeya.

El Día de Les Lletres Asturianes

Prestaríame que me ficiéreis un informe sobre esti día qu'esti añu foi 'l vienres 6 de mayu, poniendo tola información qu'alcontréis nuna entrada del blog.
Voi ayudavos... tenéis que poner: a quién ta dedicada esti añu, el cartelu, los actos que se ficieron, la manifestación pola oficialidá, cuándo entamaron a facer estos actos, munches semeyes y tamién música que tolos años saquen un canrtar.

Pa finar prestaríame que punxerais tamién el vuesu paicer sobre'l valir d'estos actos del día de les lletres y sobre too que pongáis les ventaxes que pensáis que  tien la oficialidá

Xera VII - Les entrugues al curtiu-metrax

Trabayamos el pallabreru

Mira a ver si pues desplicar esti pallabreru del curtiumetrax.

-         Mio ma ta del coral y un disgustu d’esta triba

-         Metióme un taragañu al pescuezu

-         Me xuraba y perxuraba

-         Como braeros xabaces

-         Asina taba yo, fechu un felpeyu

-        ... O yes un pocu fata

Hai otres espresiones que nun necesiten ser tornaes pero sí necesiten una desplicación:

--       torna simultánea

-         High Quality

-         Pelanguxos

Trabayamos  la comprensión con estes entrugues

-         ¿por qué ta na comisaría?

-         ¿quién ye Mariví?

-         ¿quién ye Miranda?

-         ¿quién ye Xerardu?

-         ¿ a qué se dedica Sebastián?

-         ¿quién ye Menchaca?

-         ¿qué hai nel maleteru’l coche?

-         ¿cómo entren los quinquis nel edificiu?

-         ¿por qué piquen nun pisu y van pa otru?

-         ¿por qué s’enraxona’l quinqui y dispara?

-         ¿por qué siente mieu Xerardo?

-         ¿a qué se dedica Xerardo?

-         ¿quién ye Galleta?

-         ¿quién ye Boca?

-         ¿quién paga a Xerardo’l viaxe y una nueva vida?

Trabayamos el conteníu 

- Desplica la rellación que tienen los personaxes

- Ordena cronolóxicamente tola historia

- Qué fai Xerardo pa llograr les perres.

- Por qué marcha de casa

- Por qué entruguen los quinquis poles perres

- Por qué diz el que dispara: "¿entós cobra?,  ¡Puta!"

Xera -- El curtiu-metrax

Mozos esti ye'l curtiu-metrax entituláu 3Versiones, ye d'un mozu de Carreño que noma Pablo Quiroga y fae coses perinteresantes, esti ye'l so tercer curtiu.
Atendéi pa él y ponéi procuru na historia y nos diálogos, que tienen sustancia... darréu van les xeres nun penséis que ye pa pasar el ratu en clase de llingua... ánimu fixáivos a ver si pescanciais bien la historia que cunta

Una muyer ensin complexos

Ente tolos autores asturianos hai una muyer mui moderna pa la so dómina. Mira a ver si yes quién a completar esti cuadru colo qu'alcuentres na rede sobro ella, doivos unes pistes... yera de familia illustre, yera de Xixón y como'l nome d'esta ciudá tien munches lletres iguales ente'l nome y apellíu

Autora
Fechos importantes de la so vida	Ñació/ casó/….
Obra
Reflesión personal	¿Lo que fizo pienses que yera normal naquella dómina?
	¿Qué fizo que nun fadría una muyer naquel sieglu?
	¿Pienses que-y resultó fácil?
	¿Anguaño tendríalo meyor??
	¿pues poner dalgún exemplu asemeyáu pero modernu?

XERA LA LLITERATURA ASTURIANA - Busca información y rellaciona conteníos

Estos son dellos autores en llingua asturiana. Son un garrapiellu d'ellos que representen dellos momentos na lliteratura. Debaxo tenéis tres columnes d'información que tenéis que colocar afayaízamente y pa ello tenéis que buscar información pela rede, qu'hai muncha, ánimu que tamos llegando al final... mirái tamién a ver si  axuntáis les semeyes cola información que tien que ser

---

---

Antón de Marirreguera	Fae poesía de la primera metá del XIX siguiendo la moda del folclorismu. Céntrase nos aspeutos rurales, el folclores, la música, la vida na aldea…	Xosefa de Xovellanos, primera poetisa  asturiana con ciertu calter social
Xosé Caveda y Nava	Los illustraos, ente ellos Gaspar Melchor de Xovellanos esmolécense pola llingua y entame una academia de les bones lletres y el diccionariu etimolóxicu asturianu	Xuan Bello, Berta Piñán, Taresa Lorences Pablo Texón, Vanesa Gutierrez,
El Surdimientu: los autores fíxense na lliteratura europea. Nueves formes, nuevos temes	Espubliza la primer antoloxía de la lliteratura asturiana, gracies a ella tenemos testos de los autores dende’l sieglu XVII	Andalucía y Asturias: polémica en los dialectos adaluz y bable
Pin de Pría	La prensa desendólcase n’asturies y munchos autores escriben nos periódicos n’asturianu pero esta llingua ta arrequexada pal folclorismu y la creación poética, nun s’emplega pa les nocities y opiniones	Barrocu: 1-Gustu pola artificiosidá, 2-Llinguax complexu, 3-Obres de calter relixosu, 4-Adaptaciones temes clásicos, 5- Teatro con enfotu educativu y popular
Enrique García Rendueles	Escribió a Nueva un pueblu de Llanes, y un poema narrativu mui guapu entituláu Nel y Flor	Traxo a la poesía asturiana el modernismu coles sos rimes sonores y metáfores espresives pero nun pudo despegase de too  del tema ruralista
Teodoro Cuesta	Poesía moderna d’entamos del sieglu XX. Intimismo y lirismo, musicalidá y nueves formes de facer poesía. Ye contemporáneu de Pin de Pría	¡Ai, gaita melguera!
Padre Galo	Primer autor asturianu conocíu	De Cadavedu, percorrió’l mundu y como falaba un montón de llingües tornó poemas al astuianu del alemán, xaponés…
Sieglu XVIII	Autores qu’entamaron a escribir nos años 70. Dende qu’entamara’l movimientu van apaeciendo nueves xeneraciones , yá vamos pola tercer xeneración del surdimientu.	La imprenta entama n’asturies, y facilita l’asoleyamientu de les obres d’autores asutianos qu’hasta la fecha diben en manuscritos lo que daba munches variaciones a los orixinales.

3ª EVALUACIÓN -- LLIENDES DE L.LENA

Equí vos dexo una llienda perguapa recoyída por Xulio Concepción y que tien asoleyada na so páxina.
pinchái equí pa lleela

Xera: vamos trabayar con esti testu, asina que...
1- lo primero ye lleelu con procuru
2- vamos fixanos en delles pallabres que tan escrites con grafíes non normatives hai que correxiles
3- vamos facer una versión n'asturianu de la historia (podéis tornala según ta, ampliala con descripciones del sitiu por exemplu, cambiá-y el narrador, incorpoarar parte de la desplicación que fai Xulio sobre la llienda...)
4- Illustra'l to rellatu con semeyes o dibuxos.