Andái en cata d'una notica n'asturianu pa dempués sacá-y estes preguntes:
¿qué, quién, cuándo, cómo, ónde y por qué?
Dempués hai que facer un resume de la noticia y dar la vuesa opinión.
Nun vos escaecer de poner la fecha y la fonte d'onde sacáis la noticia y de pegala nel blog o de poner un enllaz pa que toos podamos vela
Bono collacios,nesta xera vais meter vós un vídeu nel blog pero tenéis que facer un comentariu d'él referíu al so conteníu a los personaxes, a los actores, etc...
Tenéis que mirar nesta páxina de vídeos n'asturianu y escoyer lo que más vos preste. Calca equí
Exemplu
Esti ye'l vídeu d'una película vieya qu'agora sacaron tornada al asturianu. Ye mui prestoso sentir esti clásicu na nuesa llingua y amás dámonos cuenta de cómo podemos emplegar la nuesa llingua en cualesquier contestu ensin complexu ningún.
Como vos digo ye un clásicu de los 60 pero entá tien actualidá y pue comparase a cualesquier peli de mieu d'anguaño, yo diría que da la mesma llerza o más.
Ta tornada por una productora asturiana que anda trabayando sobre películes que yá nun tienen drechos d'autor. Nomase Gonzali Producciones y el títulu orixinal d'esta peli yera Night of de living dead.
Soluciona estes entrugues nel to blog:
1- Como sabéis tenéis de buscar les pallabres en coloráu y les que nun sepáis nel diccionariu y pegales equí, alcordáivos que tenéis un en llaz al diccionariu de l'acacemia.
2 - El testu tien dos partes: ¿na primera parte con qué se venceya la gaita? ¿cuálu ye'l axetivu más usáu?
3 - Na segunda parte ¿por qué fala de tardi enllutada?
4 - La sensación que tresmite de la gaita ¿cómo ye, un instrumentu ruidosu, prestosu, afayaízu,...?
Equí vos pongo'l videu de unos rapazos de Ribesella que tienen un grupu nomáu Corquiéu, de xuru que los sentistéis dalguna vez. Esti cantar ye mui prestosu y amás ta mui bien vocalizáu, asina que nun vais dicime que nun entendéis lo que se fala, dai les gracies a Xema la cantante del grupu:
Como simepre vos dexo equí la lletra afuracada pa que la llenéis. Copiáila nel vuesu blog y ¡a trabayar!
Esti ye ún de los mios grupos preferíos. Ye de música folk y tienen una pila de trabayos espublizaos; nun va tardar en sonavos porque voi ponevos una esbilla del so discu "YÁ" en clas pa que afiléis la oreya.
Son unos rapazos mozos que lleven dende l'añu 94 sacando discos. El grupu iguóse en salamanca onde estudiaben dos de los sos componenetes y fueron espublizando discos el primeru entitulaú Felpeyu y dempués Tierra y el penúltimu Yá.
Diendo a un conciertu camín de cataluña una nueche de San Xuan tuvieren un accidente y morrieren dos de los sos componenetes asina que tuvieren paraos un tiempu pero incorporaron más músicos y sacaron esti discu entituláu Canteros.
Quiero aconseyavos una tarde relaxada sintiendo musiquina y lliendo dalgún llibru prestosu y dexar pasar un pocu de tiempu, de xuru que dempués tais preparos pa cualesquier trabayu.
Esta semeya ye de la presentación del so caberu discu "Canteros" y como son un pocu ciquitrinos ficieron esta presentación que vos dexo nesti enllaz a youtube.
XERA: tenéis que facer una entrada paicía a esta onde faléis del grupu que queráis poniendo dellos datos d'ellos, los discos, los rapazos qu'armen el grupu, etc....
-Dempués tenéis que poner delles coses personales poles que vos presta'l grupu y empobinar a sentir los sos discos. Tenéis que falar del cantar o el discu que más vos preste y por qué .
-Pa finar hai que poner delles semeyes del grupu y catar un vídeu na rede pa enllazalu.
PONÉI PROCURU -- EL VUESU BLOG YE DE LLINGUA Y HAI QU'ESCRIBIR BIEN
Los vecinos de Robledo y Masgaín tienen que facer un conceyu de tol barriu pa decidir si reclamen al ayuntamientu la igua de les cais que tan alredor del institutu o si faen una andecha, asina que tan peresmolecíos porque de mano van tener que pidir una sala pa facer el conceyu y tien que ser una salona bien grande na que cueyan munches persones.
Dende llueu l'ayuntamientu facilítales pero hai que la sollicitar pente medies d'una instancia.
Tocóte facer los trámites porque yes unu de los presidentes de comunidá que más tas lluchando pa que quiten el furacu que tenéis delantre'l portal y toos saben lo estudiáu que tas asina que ..... Fai la instancia que vas tener que meter nel rexistru del ayuntamientu.
Andái en cata d'una notica n'asturianu pa dempués sacá-y estes preguntes:
Los vecinos de Robledo y Masgaín tienen que facer un conceyu de tol barriu pa decidir si reclamen al ayuntamientu la igua de les cais que tan alredor del institutu o si faen una andecha, asina que tan peresmolecíos porque de mano van tener que pidir una sala pa facer el conceyu y tien que ser una salona bien grande na que cueyan munches persones.
